Mark

9 Dann tan la, Jézu té sort Nazarèt, an Galilé, é li la été batizé par Jan dann Jourdin. 10 É toutsuit kan li la sort desou d’lo, li la vu le sièl antrèn rouvèr é léspri sin la désann su li kom in kolonm. 12 Toutsuit aprésa, lèspri sin la pous Jézu alé dann dézèr. 13 Li la rès laba 40 jour, é la, Satan la tant ali. Li lété an parmi bann zanimo sovaj, mé bann zanj té pran soin d’li. 15 « Anfin la arivé lépok zot té atand, é lo Gouvèrnman Bondié i tard pa pou arivé. Fo zot i chanj é fé mont zot foi dan lo gayar nouvèl. » 21 Jus aprésa zot la rant dan la vil Kafarnaom. Kan la ariv lo jour lo saba, Jézu la rant dan la sinagog é li la komans koz èk zot su la Parol Bondié. 22 Bann domoun té an rovien pa su son manièr kozé, parské li té done son lamontraj, pa kom sak té amont azot la Loi, mé kom in moun ké Bondié la done lo pouvoir. 23 Zistoman, lo jour-la, dan zot sinagog lavé in bonom ké navé in lèspri bébèt su li. Li la kri for : 24 « Aou Jézu k’i sort Nazarèt, nou pran pa lèr èk ou nou ! Ou la ni pou détrui anou kosa ? Mi koné bien ké sé ou lo Moun Sin ké Bondié la anvoyé ! » 25 Mé Jézu la koz dur èk li é la di ali : « Fèrm out bouch é sort an ddan li ! » 26 Lèr-la, lo mové lèspri la sokouy ali for mèm é la kri lasasin, é aprésa la sort an ddan li. 27 É la, tout domoun té la, la rès baba, alor zot la komans domand azot : « Kosa sa ? In nouvo lamontraj sa ! Li gingn mèm komand bann zèspri mové é banna i ékout ali. » 28 É la pa tardé, dann tout la Galilé, domoun la fini par konèt sak Jézu la fé. 29 Alor èk Jak é Jan zot la sort dan la sinagog pou alé ché Simon èk André. 35 Bonèr gran matin, kan la komans fé klèr, li la lèvé, é li la parti dan in landroi ou lavé poin d’moun, é la, li la komans priyé. 36 Alor Simon é sak té èk li la parti rod ali. 37 Kan zot la trouv ali, zot la di ali : « Toulmoun la pou rod aou. » 38 Li la répond banna : « Alon pli loin dann lo bann vil a koté, komsa mi prèch laba osi, parské sé pou sa mèm, moin la ni. » 40 In moun navé la lèp la ni oir ali é la tonb a jonou pou domand ali : « Si ou vé, ou pé géri amoin. » 41 « Mi ve ! Devien pur. »