1 Roi

12 Kan mi sa kit aou, lèspri Jéova va amèn aou dan in landroi mi koné pa. É amoin, mi va koz èk Akab mé li va pa trouv aou. Alor lé sur li va tué amoin. Pourtan, dépi mi lé jèn, mi néna in gran rèspé pou Jéova. 17 Dèk Akab la vu Éli, li la di : « Ala ou la, aou la pou mèt Israèl dann tousa malisé-la ! » 18 Éli la répond : « Lé pa moin lotèr si Israèl i pas dann malizé, mé sé akoz dé ou é la famiy out papa, parské zot la arèt suiv bann komannman Jéova é zot i ador bann Baal. 21 Alor Éli la avans vèr lo pèp é li la di : « Juska kan zot va fé lantrak ? Si Jéova lé lo vré Bondié, sèrv ali. Mé si sé Baal, sèrv ali ! » Lo pèp la pa di rien.