Provèrb

3 Mon garson, oubli pa sak mi amont aou, mèt tout out keur pou obéi mon bann komannman, 3 Kontinié fé mont la bonté èk la fidèlité. Amar sa otour out kou, é ékri azot dési lo tablèt out kèr ; 5 Mèt out konfians an Jéova èk tout out kèr é fié pa ou su out prop lintélijans. 6 Majine ali dan tout sak ou fé, é li, li va galiz out bann chemin. 9 Ansèrv out bann zafèr ké néna la valèr é tout bann promié produi out rékol pou done lonèr Jéova ; 10 alor out bann zantropo sra ranpli an poundiak, é out bann barik va débord èk dovin nouvo. 13 Lo moun i trouv la sajès é lo moun i gingn la kapasité pou analizé lé éré, 18 Li lé in piédboi la vi pou sak i trap ali, é va fé konèt ké sak i tienbo ali for mèm, zot lé éré. 21 Kontinué gard la sajès dann tout sak ou fé é out kapasité pou réfléchi ; 23 Alor ou va march an sékurité su out chemin, é ou gingn arpa koudkongn. 27 Rofiz pa fé lo bien anvèr sak la bézoin si ou gingn èd azot. 32 parské Jéova i détès in moun malonèt, mé li dovien lo pli proch kamarad bann domoun ké lé droit.