Jan

17 Mé li la répond azot: « Juska lèr mon papa la kontinié travay, é moin osi mi kontinié travay. » 19 Alor Jézu i di azot : « Franch vérité mi di azot : Lo Garson i gingn pa fé rien par li mèm, mé li fé kom son Papa i fé. Parské tout bann zafèr lo Papa la fé, lo Garson osi i fé tout bann zafèr parèy. 20 An vré, lo Papa néna plin lafèksion pou lo Garson é li amont ali tout bann zafèr ké li mèm, li fé, é li va amont lo Garson plin zafèr li fé, ankor pli gran k’sa, pou ké zot i rès baba. 24 Franch vérité mi di azot : tout sak k’i ékout sak mi di é i kroi Sak la anvoy amoin, i gingn viv pou toultan, é i kondane arpa li, parské li la sort dan la mor pou ni dan la vi. 25 « Franch vérité mi di azot : lèr i ariv, é sé astèr lo moman ousa bann mor va antand la voi lo garson Bondié, é sak la ékouté va viv. 26 Parské kom lo papa i gingn done la vi, li la done osi lo garson lo pouvoir done la vi. 27 La done ali osi lo droi jujé, parské li lé lo garson d’moun. 28 Pa bézoin étone azot, parské lèr i ariv ousa tout sak lé dan bann tonb va antand son voi 29 é va sorti, sak la fé bann bon zafèr, pou in rézuréksion pou la vi, é sak la fé bann mové zafèr, pou in rézuréksion pou lo jujman. 30 Mi pé pa fé rien par moin mèm. Mi juj dapré sak mi antand, é mon jujman lé bon, parské mi rod pa pou fé sak mi vé, mé pou fé la volonté Sak la anvoy amoin. 31 « Si sé rienk amoin i koz pou défand amoin, sak mi di lé pa vré. 32 Mé néna in not osi i koz pou défand amoin, é mi koné ké sak li di su moin lé vré. 36 Mé moin, mi néna in témoiniaj lé pli gran sak Jan, parské lo travay mon Papa la done amoin pou fé, bann travay ké mi fé, i amont bien ké sé lo Papa la anvoy amoin. 39 « Zot i fouy bien mèm sak bann Zékritur i di, parské zot i kroi ké sé komsa ké zot va gingn viv pou toultan ; é sé bann Zékritur la mèm i di kisa mi lé. 40 Mé lé pa pou sa zot i vien vèr moin pou zot gingn la vi. 41 Sé pa la gloir i sort èk domoun mi rod moin, 42 mé mi koné bien, ké zot na poin lamour pou Bondié dan zot kèr. 43 Sé mon Papa la anvoy amoin, mé zot i aksèp pa moin. Parkont, si in not té vien par li mèm, zot noré aksèp ali. 44 Koman zot i pé kroir amoin alor ké zot i rod la gloir i sort èk domoun, mé ké zot i rod pa dutou la gloir i sort èk Bondié ? 45 Kroi pa sé moin va akuz azot dovan mon papa, mé lo moun i akuz azot, sé Moiz, alork sé an li zot la mèt zot lèspoir. 46 An vré si zot té kroir Moiz la, zot noré kroir amoin osi, parské li la ékri d’zafèr k’i konsèrn amoin. 47 Mé si zot i kroir pa sak li la ékri, koman zot i pé kroir sak moin mi di ? »