1 Korintien

2 Ala poukosa, mon bann frèr, kan moin lé vni ché zot pou anons azot lo sin sékré Bondié, mi lé pa vni koz in fason é fé mont mon sajès pou ké domoun i rès baba dovan. 2 Parské an parmi zot ma la désidé rien konèt, apark su Jézu Kris, li ké lé klouté su poto. 3 Ma la ni ché zot kom in moun fèb, èk la pèr é kap kap ; 4 é mon fason kozé é sak ma la prèché, lété pa bann parol saj pou pous azot kroir, mé pou oir laksion puisan lèspri sin, 5 pou ké zot néna la foi, dan la puisans Bondié é pa dan la sajès bann zom. 10 An vré, sé ansanm nou ké Bondié la fé konèt tousa la gras son lèspri, parské lèspri i rogard tout zafèr an détay, mèm bann zafèr profon konsèrnan Bondié. 11 Parské kisa an parmi domoun i koné sak néna dan la tèt in moun, apark lèspri moun-la mèm ? Lé parèy osi, na poin pèrsone la fine gingn konèt sak Bondié i pans, apark lèspri Bondié. 12 Mé nou, nou la pa gingn lèspri lo monn, mé nou la gingn lèspri k’i sort ansanm Bondié, komsa nou gingn konèt bann zafèr ké Bondié la done anou èk gran kèr. 13 Nou koz dési bann zafèr-la osi, mé pa avèk bann parol k’i sort ansanm la sajès domoun, mé avèk sak i sort ansanm lèspri ; komsa nou èsplik bann kèstion konsèrnan Bondié avèk bann parol k’i sort avèk Bondié. 16 Lé vré, « kisa la gingn konèt lo fason pansé Jéova, pou gingn amont ali » ? Mé anou, nou néna lo fason pansé lo Kris.