Jan

3 Alor son bann frèr la di èk li : « Sort tèrla é alé Judé, pou ké out bann disip i oi osi tout kalité zafèr ou fé. 4 In moun k’i vé fé romark ali, i fé pa d’zafèr an misouk. Si ou fé bann zafèr-la, alé fé romark aou par tout domoun. » 5 An vré, son bann frèr navé poin la foi an li. 14 Kan la moitié la fèt té fine pasé, Jézu la mont o Tanp é la komans amont domoun la vérité. 15 É bann Juif té an rovien pa é zot té di : « Koman in moun kom li i koné bien bann Zékritur, alork li la pa fé gran lékol ? » 16 Alor Jézu la répond azot : « Sak mi amont azot, sé pa moin i di sa, mé sé Sak la anvoy amoin. 24 Arèt jujé dapré sak zot zié i oi, mé juj avèk justis.