Job

5 Mon bann zoreil té finn antann parlé de ou, mé, astèr, mi voi aou èk mon zieu. 10 Inn foi ké Job la pri pou son bann kamarad, Jéova la fé arèt son bann zéprèv é la rand ali tout sak li la pèrd. Jéova la done ali tousa-la an doub. 11 Tout son bann frèr é sèr é tout sak té kamarad èk li avan, la vni oir ali é la vni manj son kaz. Zot la plèr sanm li, la konsol ali akoz tout bann malèr Jéova la pèrmèt. Chakèn la done ali in piès larjan èk in bag an or. 12 Komsa mèm, Jéova la plis béni Job an dèrnié, ké dann promié débu son vi. Job la gingn 14 000 mouton, 6 000 chamo, 2 000 bèf, é 1 000 fémèl bourik. 13 Li la gingn ankor sèt garson é troi fi.