Azot jeun, èske Jéova lé zot méyeur kamarad ?

Kèl kalité ou rod ché in bon kamarad ? Petèt, la fidélité, la jantiyès é la jénérozité néna la valeur pou ou. Jéova i fémont tout bann kalité la (Égzod 34:6 ; Akt 14:17). Kan ou pri ali, li ékout aou. Chak foi ou la bezoin d’li, li lé la pou ou (Psom 18:19, 35). An plus li pardonn out bann fot (1 Jan 1:9). Oté, sa pa in gayar kamarad sa !

Koman ou pe èt kamarad ansanm Jéova ? Lir la Bib pou konèt ali. Di ali tout sak néna su out keur (Psom 62:8 ; 142:2). Fémont ali, ke sèk lé inportan pou li, kom son Garson, son roiyom é son bann promès pou lavnir, na la valeur pou ou. Parl de li otour d’ou (Det 32:3). Si ou konstrui ansanm Jéova in lamitié ke lé for, li sra out kamarad pou toultan (Psom 73:25, 26, 28).

REGARD LE VIDÉO JEUNES, « GOÛTEZ ET VOYEZ QUE JÉHOVAH EST BON », APRÉSA RÉPONN BANN KÉSTION LA :

• 

  Koman ou pe prépar aou pou of out vi Jéova é fé batiz aou ?

• 

  Koman bann frèr é seur dan lasanblé i pe èd aou dan out ladorasion pou Jéova ?

• 

  Koman la prédikasion i ranfors out lamitié ansanm Jéova ?

• 

  Kèl kalité zaktivité pou Bondieu ou pe fé ?

• Kosa ou ièm ché Jéova ?