NOUT VI KRÉTIEN
Ranfors out foi dann Parol Bondieu
La Parol Bondieu i pe chanj nout vi (Ébr 4:12). Mé, pou lès ali gid anou é anprofit son bann konsèy, i fo nou lé sur ke li lé vréman la « parol Bondieu » (1 Tés 2:13). Alor, koman rann plu for nout foi dan la Bib ?
Lir inn ti bout la Bib tou lé jour. Kan ou lapou lir ali, rod bann preuv ke sé bien Jéova la fé ékri sa. Par égzanp, ou pe réfléchi su bann konsèy dann liv Provèrb. Ou va rann aou kont ke la sajès ke néna anndanla, lé valab pou toultan (Prov 13:20 ; 14:30).
Kan ou étudi ali, fouy pou konèt plus. Aprann mieu konèt bann preuv ke Bondieu la ansèrv son léspri sin pou ékri la Bib. Dan le Guide de recherche pour les Témoins de Jéhovah, rod le sujé « La Bible », aprésa choizi « Inspirée par Dieu ». Pou ranfors out konfians ke sak lé ékri dan la Bib la pa chanjé, alé gard l’appendice A3 dann Traduction du monde nouveau.
GARD LE VIDÉO POUKOSA NOU NA LA FOI DAN : LA PAROL BONDIEU, APRÉSA RÉPONN BANN KÉSTION LA :
Su in mur le tanp Karnak an Éjip la dékouv in désin gravé, koman sa i prouv ke la Bib lé vré ?
Koman nou koné ke sak lé ékri dan la Bib la pa chanjé ?
La Bib la ariv juska nou zordi, koman sa i prouv aou ke li lé bien la Parol Bondieu ? (lir Izai 40:8).