19-25 JANVIÉ
IZAI 24-27
Ti chanté no 159 èk la priyèr | Dé ti parol pou komansé (1 min)
1. « Sé nout Bondié ! »
(10 min)
Nou néna plin d’rézon, pou èt fièr nout Bondié Jéova (Izai 25:9 ; cl-F 16 § 21).
Néna tèlman bon zafèr Jéova i prépar pou nou, kan nou va viv dan lo monn nouvo, é nora plin zafèr pou manjé, pou lis nout doi (Izai 25:6 ; w24.12-F 6 § 14).
Li va done anou la vi pou toultan (Izai 25:7, 8 ; w25.01-F 28-29 § 11-12).
DOMAND AOU : Somèn-la, dan bann zaktivité mi fé tou lé jour, èk kisa mi pouré koz bann promès Jéova ?
2. Bann ti pèrl dan la Bib
(10 min)
Izai 24:2 : Akoz lo fason ékri vèrsé-la, dan la Bib révizé Traduksion monn nouvo, lé diféran bann vèrsion avan ? (w15-F 15/12 17 § 1-3).
Kèl ti pèrl ou la trouvé dan out lèktur la Bib pou somèn-la ?
3. Lèktur la Bib
(4 min) Izai 25:1-9 (th loson 10).
4. Komans in diskusion
(3 min) TÉMOIGNAJ PUBLIK. Ésèy oir kèl sujé i intérès lo moun. Fé konèt ali nout sit lintèrnèt, jw.org (lmd loson 1 poin 3).
5. Vizit
(4 min) KAZ AN KAZ. Koz dési in vérité la Bib dan lo ti not no 1, dan lo ti brochur Èm domoun (lmd loson 9 poin 4).
6. Èsplik kosa ou kroi
(5 min) Démonstrasion. ijwbq lartik 160. Tèm : Akoz i apèl Jézu lo Garson Bondié ? (th loson 3).
Ti chanté no 144
7. Kont su Jéova èk tout out kèr, pou prépar aou ankak ou néna in trètman médikal ou in lopérasion pou fé
(15 min). Diskusion.
Jéova lé in protèksion pou sak ‘i kont dési li èk tout zot kèr’ (Lir Izai 26:3). Kan nou prépar anou ankak i fo trèt in problèm santé, nou mont ké nou kont su Jéova èk tout nout kèr, kan nou ansèrv tout bann zafèr li mèt an plas pou èd anou.
Mont lo VIDÉO Èské ou lé paré si in problèm santé i tonb dési ou ? Aprésa poz bann kèstion-la :
Sit troi moiyen ké la mèt an plas pou èd anou, èt bien préparé ankak in problèm santé i tonb dési nou.
Koman bann dokuman informasion médikala i pé èd anou ?
Kansa lé méyèr pran kontak avèk lo komité liézon ospitalié ?
Kosa ou rosan kan ou oi, lo bann fason Jéova i èd anou, èk plin lamour ?
Lo promès aoir « la pé pou toultan », dann Izai 26:3, i vé pa dir ké Jéova va défand anou aoir bann problèm santé. Gras tout sak lorganizasion Jéova i fé èk plin lamour, li va èd anou santi anou an sékurité é an pé, si nou néna in problèm santé.
8. Létud la Bib lasanblé
(30 min) lfb zistoir 54-55.
Dé ti parol pou fini (3 min) | èk la priyèr
a Si jamé nou la bézoin, bann dokuman Informations pour les femmes enceintes (S-401), Informations pour les patients qui doivent subir une opération chirurgicale ou une chimiothérapie (S-407) é Informations pour les parents qui recherchent un traitement médical pour leur enfant (S-55), nou pé domand sa avèk bann zansien.