16-22 FÉVRIYÉ
IZAI 36-37
Ti chanté no 150 èk la priyèr | Dé ti parol pou komansé (1 min)
1. « Pa bézoin ou la pèr akoz bann parol ou la antand »
(10 min)
Lo Rabchaké la vni juska Jéruzalèm, pou farouch é fé pèr lo pèp Jéova (Izai 36:1, 2 ; it-F « Hizqiya » no 1 § 14).
Li la ésèy fé kroir bann Juif, ké zot té bann zinkapab é pèrsone té gingn défand azot (Izai 36:8 ; ip-1-F 387 § 10).
Li la narg azot parské zot té mèt zot konfians an Jéova, é parské zot lavé konfians sak té dirij son pèp (Izai 36:7, 18-20 ; ip-1-F 388 § 13-14).
Lo pèp Jéova néna bann zènmi k’i ésèy farouch azot, mé zot i doi pa aoir pèr (Izai 37:6, 7).
INN TI LIDÉ POU LADORASION AN FAMIY : Gard lo VIDÉO « Ô Jéhovah, en toi j’ai placé ma confiance ! », é aprésa réfléchi su bann loson nou pé tir dési.
2. Bann ti pèrl dan la Bib
(10 min)
Izai 37:29 : Kosa i vé dir, kan i di ké Jéova la mèt in brid dan la bouch lo roi Sénachérib ? (it-F « Bride, mors » § 4).
Kèl ti pèrl ou la trouvé dan out lèktur la Bib pou somèn-la ?
3. Lèktur la Bib
(4 min) Izai 37:14-23 (th loson 2).
4. Komans in diskusion
(3 min) KAZ AN KAZ. Koz dési in vérité la Bib dan lo ti not no 1, dan lo ti brochur Èm domoun (lmd loson 1 poin 4).
5. Komans in diskusion
(4 min) TÉMOIGNAJ INFORMÈL. (lmd loson 3 poin 5).
6. Èsplik kosa ou kroi
(5 min) Démonstrasion. ijwbq lartik 110 § 1-4. Tèm : Kosa i lé lo batèm ? (th loson 17).
Ti chanté no 118
7. « Su kosa lé bazé out konfians ? »
(15 min). Diskusion.
Èské in moun la fine narg aou, ou ankor la fine poz aou bann kèstion parské ou néna kroiyans an Bondié ou dan la Bib, oubien parské ou la désid èt Témoin Jéova ? Si la fine ariv aou sa, somanké lo strès oubien la pèr la mont dési ou. Pétèt osi, détroi kozman ké banna la di, la fé dout aou dési out bann kroiyans. Koman évit tonb laddan ?
Lir Izai 36:4. Aprésa poz kèstion-la :
Poukosa lé inportan ranfors nout konfians, ké sak nou kroi lé bien la vérité ?
Mont lo VIDÉO Mon vi an tank jèn : Èské lé lojik kroir ké Bondié i égzis ? Aprésa poz bann kèstion-la :
Kosa Elibaldo é Crystal la fé, pou ranfors zot konfians dan bann lamontraj la Bib ?
Poukosa ou lé sur, ké Bondié i égzis ?
Kèl vèrsé la Bib i asur aou ké :
Jéova i èm aou ?
Jéova va toultan èd aou ?
Ou la trouv lo pèp Bondié ?
8. Létud la Bib lasanblé
(30 min) lfb zistoir 62-63.