LA BIB I TRANSFORM LA VI BANN DOMOUN

Zot la trouv le « pèrl ke navé in bonpe la valeur »

Jézu la amontré ke le roiyom Bondieu, va règ tout le bann problèm ke bann zumin i koné (Matieu 6:10). Pou mont anou tout la valeur, ke la vérité desu le roiyom Bondieu néna, li la di dann Matieu 13:44-46 le bann deu légzanp la :

Zimaj : Lé deu bonom dan légzanp Jézu. 1. In bonom lapou fouyé, é li lé surpri kan li voi sak li la trouvé. 2. In not bonom i tien inn pèrl é li ri.

In bonom ke té i travay dann bitasion, la trouv parazar, in trézor ke té kachièt.
In vandeur ke té i rod bann joli pèrl, la trouv inn ke navé in bonpe la valeur.

Lé deu bonom la aksèp vann tout sak zot lavé pou achté le trézor ke zot lavé trouvé. Se bann bonom la, i reprézant tout domoun ke néna tèlman in gran latachman pou le Roiyom, ke zot lé pré fé bann sakrifis pou gingn bann bénédiksion (Luk 18:29, 30). Dann vidéo la, agard le zistoir d’in bonom é in madam, ke lé parèy se bann pèrsonn dan bann zégzanp ke Jézu la pran.