Ousa i sort lo non « Témoin Jéova » ?

Lo non Bondié sé Jéova. I trouv non-la dan in bonpé vèrsion la Bib. In pé d’vèrsion i ranplas ali par Yahvé (Égzod 6:3 ; Psom 83:18 [ou 19]). In témoin sé in moun k’i défand bann lopinion ou bann vérité li kroi for mèm.

Donk nout non, Témoin Jéova, i mont ké nou lé bann krétien k’i fé konèt la vérité su Jéova, lo Kréatèr tout zafèr (Révélasion 4:11). Koman nou fé sa ? Par nout fason d’viv é kan nou koz èk tout domoun su sak nou la aprann dan la Bib (Izai 43:10-12 ; 1 Pièr 2:12).