PARTI 9

Koman Bondieu va fé in Paradi su la tèr ?

Tout problèm néna su la tèr i mont ke gouvèrnman Bondieu i tard pa (Luk 21:10, 11 ; 2 Timoté 3:1-5).

Bann problèm ke nou koné dan lépok bann dèrnié jour : bann jeu larjan, gèr, maladi, faminn, dézobéisans bann zanfan é violans dan la fami

Depui lontan, la Bib la anonsé in paké zafèr ke nou voi su la tèr koméla. Li mont ke domoun va ièm larjan, va dézobéi zot paran, i sra kruèl, é va ièm lamuzman.

Noré gran tranbleman d’tèr, la gèr, la faminn, maladi grav. Tout bann zafèr la i ariv koméla.

In Témoin Jéova lé antrèn prèch la bonn nouvèl su le Roiyom avèk in mesieu

Jézu la di osi ke in bonn nouvèl su le Roiyom i sra préché su tout la tèr (Matieu 24:14).

Gouvèrnman Bondieu va anlèv tout mové zafèr (2 Pièr 3:13).

Tout domoun mové i sra détrui kan nora Armagédonn, aprésa Satan avèk son bann démon i sra puni

I tard pa, Jéova va détrui tout domoun mové.

Satan èk son bann démon i sra puni.

Jézu lé su son tronn dann sièl é in bonpe domoun tout nasion lé kontan

Sèk i ékout Bondieu va viv su la tèr, dan in monn jus. Zot nora pu peur. Zot va fé konfians inn é lot é partou nora lamour.