Bann Témoin Jéova é Bann domoun té asasiné sou la dominans nazi : Kosa la Bib i di ?

Lo 27 Janvié 2023 dan lo monn antié sé lo jour souvnir ousa in voyaj domoun té tué dann tan bann nazi té o pouvoir. I apèl bann masak la Lolokos é sa la èspasé na plis 75 zan. Somanké zot i domand azot poukosa Bondié la lès sa arivé.

• Pou konèt kosa la Bib i di ladsu lir lo sujé « Pourquoi la Shoah a-t-elle eu lieu ? Pourquoi Dieu n’a-t-il rien fait ? ».

Lo pèp Juif la souf martir sou la koup bann dominèr dann tan la. Té fé èspré asasine azot rienk parské zot té Juif é la tué plis in milion komsa. Néna dot moun osi la souf martir kom bann Juif é té asasiné dann tan Lolokos. An parmi tousala lavé bann Témoin Jéova ké té masakré parské zot té kroi bann lamontraj néna dan la Bib.

• Pou konèt plis, lir lo sujé. « Qu’est-il arrivé aux Témoins de Jéhovah sous le régime nazi ? ».

« In lavnir èk in lèspoir »

In bonpé domoun la pèr ké in mavouz amèr kom Lolokos i ariv ankor in kou. Gran mèrsi Bondié, la Bib i promèt ké dann lavnir nora pu dutou bann krim komsa.

• « “An vré mi koné bien kèl lintansion mi néna pou zot, ala sak Jéova i fé konèt. Sé la pé ké mi vé pou zot, mé pa lo malèr. Mi vé done azot in lavnir èk in lèspoir.” » (Jérémi 29:11).a

Lèspoir la va réalizé kan Jéova va tir tout kalité mové zafèr é li va démavouz la vi. Ala kosa Bondié i tardra pa pou fé :

• Li va fé disparèt sak i fé pas lé zot dann malizé (Provèrb 2:22).

• Li va géri tout sak la soufèr (Révélasion 21:4).

• Li va fé roviv sak lé mor su la tèr (Jan 5:28, 29).

Zot i pé mèt zot konfians dan lo gayar lèspoir ké néna dan la Bib, sa i soulaj lo kèr. Pou konèt plis, aksèp in létud la Bib gratuit.