• Koman pran bann bon désizion ?
    Viv ereu pou toultan ! (Diskusion biblik vivan)

    • 5. Réspèk la konsians lé zot

      Nout tout nou pran pa le mèm désizion. Koman nou mont ke nou réspèk la konsians lé zot ? Alon voir 2 légzanp :

      Situasion 1 : In seur i ièm bien mèt son chort pou fé son bann zafèr dan la journé, oubien pou retrouv ali èk son bann kamarad. Son fason abiyé i jèn bann seur dan son nouvo lasanblé.

      Lir Romin 15:1 é 1 Korintien 10:23, 24 é koz su bann késtion la :

      • Si li lès bann vèrsé la gid ali, kosa petèt le seur va désidé ? Si in jour ou retrouv aou èk in moun, ki trouv ke lé pa bien fé in nafèr ke out konsians i pèrmèt aou fé, kosa ou pouré désid fé ?

      Situasion 2 : Mèm si la Bib i intèrdi pa boir lalkol, in frèr la pran le désizion pu boir lalkol. Dan in soiré, li voi dot Témoin boir lalkol.

      Lir Éklézias 7:16 é Romin 14:1, 10 é koz su bann késtion la :

      • Si li lès bann vèrsé la gid ali, koman li va réaji ? Si in jour ou voi in moun fé in nafèr ke out konsians i intèrdi aou fé, koman ou va réaji ?

      Pou pran in bon désizion

      In madam lé antrèn priyé.

      1. Demann Jéova gid aou (Jak 1:5).

      Le mèm madam i fé rechèrch su son lordinateur. A koté li, néna in Bib ouvèr é bann publikasion.

      2. Fé bann rechèrch dan la Bib é dan nout bann publikasion pou konèt kèl prinsip i aplik dan out situasion. Ou pe osi demann konsèy bann krétien ke na léspèryans.

      Le mèm madam lé antrèn réfléchi, son 2 min lé pozé su la Bib ouvèr.

      3. Réfléchi su bann konsékans ke out désizion nora su out konsians é su la konsians lé zot.