Èské bann Témoin Jéova i kroi Bondié la kré tout zafèr an 6 jour k’i fé 24 èr chakèn ?

Non. Nou kroi ké Bondié la kré tout zafèr. Mé nou lé pa dakor avèk lo fason pansé bann kréasionisa. Akoz ? Parské lo fason pansé bann kréasionis, i akord pa ditou avèk sak la Bib i di. Ala détroi légzanp :

1. Konbien d’tan i dur bann 6 jour la kréasion. Désèrtin kréasionis i di ké lo bann 6 jour la kréasion lété bann jour k’i fé 24 èr. Mé dan la Bib, lo mo « jour », i pé èt osi in pèryod vréman long (Jénèz 2:4 ; Psom 90:4).

2. Laj la Tèr. Désèrtin kréasionis i di ké la Tèr néna rienk détroi milié d’zané. Mé, dapré la Bib, la Tèr èk Lunivèr té égzis déja avan lo bann 6 jour la kréasion (Jénèz 1:1). Sé pousa, bann Témoin Jéova lé pa kont bann rochèrch sèrié, ké la sians i fé, pou di ké la Tèr noré bann miliar d’zané.

Bann Témoin Jéova i kroi an la kréasion, mé zot lé pa kont la sians. Zot lé sur ké bann prèv siantifik, i akord avèk la Bib.