Dan tout la Bib i parl su le roiyom Bondieu. Gras Roiyom la, Jéova va réaliz le projé ke li lavé, kan li la kré la tèr. Kosa i lé le Roiyom ? Koman nou koné ke li lé an plas zordi ? Kosa li la déja fé ? É kosa li va fé pou lavnir ? Se leson la é lé 2 ki vien apré va réponn bann késtion la.

1. Kosa i lé le roiyom Bondieu, é kisa i lé le Roi se Roiyom la ?

Le Roiyom lé in gouvèrnman ke Jéova la mèt an plas. Jézu Kris lé le roi ki gouvèrn depui dann sièl (Matieu 4:17 ; Jan 18:36). La Bib i di ke Jézu « va rénié […] pou toultan » (Luk 1:32, 33). Li va gouvèrn kom roi su tout bann zumin su la tèr.

2. Kisa i gouvèrn avèk Jézu ?

Jézu lé pa touseul pou gouvèrn le Roiyom. La Bib i di ke « domoun tout tribu, é lang, é peup, é nasion […] i doi èt roi é gouvèrn la tèr » (Révélasion 5:9, 10). Konbien zot i lé ? Depui ke Jézu la vni su la tèr, domoun par milion la vni son bann disip. Mé lé pa tout, i sar gouvèrn èk li dann sièl. Rienk 144 000 va gouvèrn èk Jézu dann sièl (lir Révélasion 14:1-4). Lé zot krétien va viv su la tèr, sou la diréksion le Roiyom (Psom 37:29).

3. Poukosa le roiyom Bondieu lé plu gran bann gouvèrnman umin ?

Mèm si bann dirijan politik i ve fé bon zafèr, zot i gingn pa réaliz tout zot bann projé. I ariv in moman, zot lé ranplasé par dot zom politik, ke i pans pa parèy ke zot. Mé le chèf le roiyom Bondieu i sra jamé ranplasé. Bondieu la mèt an plas « in roiyom ki sra jamé détrui » (Danièl 2:44). An plus ke sa, Jézu va pa fé préférans kan li va gouvèrn tout la tèr. Sé in roi plin lamour, bon é jus, é li va aprann bann zumin fémont bann mèm kalité ke li néna : lamour, la bonté é la justis (lir Izai 11:9).

4. In gouvèrnman puisan, mondial é pou toultan

Jézu Kris na plus pouvoir ke ninport kèl dirijan. Lir Matieu 28:18 é koz su késtion la :

• Kèl diférans néna ant le pouvoir ke Jézu néna é sak bann dirijan umin ?

Souvan bann gouvèrnman i chanj, é chakèn i dirij in seul parti le monn. Mé kosa nou pe di pou le roiyom Bondieu ? Lir Danièl 7:14 é koz su bann késtion la:

• Poukosa lé gayar ke le roiyom Bondieu « va jamé fini » ?

• Poukosa lé gayar ke le roiyom Bondieu va gouvèrn tout la tèr ?

5. I fo chanj gouvèrnman

Poukosa i fo ke le roiyom Bondieu i ranplas tout bann gouvèrnman umin ? Gard le VIDÉO é koz su le késtion ki vien apré.

VIDÉO : Kosa i lé le Roiyom Bondieu ? (inn ti morso) (1:41)

• Poukosa nou pe di ke bann gouvèrnman la pa èd bann domoun ?

Lir Éklézias 8:9 é koz su késtion la :

• Dapré ou, poukosa lé inportan ke le roiyom Bondieu i ranplas bann gouvèrnman umin ?

6. Bann dirijan ki konpran anou

Jézu, le Roi le roiyom Bondieu, la viv su la tèr kom in om. Donk, li pe konprann anou é « resan la pitié pou nout bann féblès » (Ébreu 4:15). Lé 144 000 mesieu èk madam ke Jéova i choizi pou règn èk Jézu, i sort dann « tout tribu, é lang, é peup, é nasion » (Révélasion 5:9).

• Kosa i fé aou, konèt ke Jézu é lé 144 000 i pe konprann nout bann santiman é nout bann problèm ?

7. Bann loi ke lé méyeur

Bann gouvèrnman i mèt bann loi an plas pou le bien bann domoun. Le roiyom Bondieu i mèt osi bann loi an plas pou son bann sitoiyin. Lir 1 Korintien 6:9-11 é koz su bann késtion la :

• Dapré ou, koman le monn i sra kan tout bann zumin va suiv bann loi Bondieua ?

• Èske ou trouv rézonab ke Jéova i demann bann sitoiyin le Roiyom réspèk son bann loi ? Poukosa ?

• Kosa i mont ke sak i suiv pa bann loi Bondieu i gingn chanjé ? (gard le vèrsé 11).

SAK NOU LA APRANN

Le roiyom Bondieu lé in vré gouvèrnman ke lé dann sièl. I tard pa, li va dirij tout la tèr.

Alon révizé

• Kisa i lé bann dirijan le roiyom Bondieu ?

• Poukosa le roiyom Bondieu lé plu gran ke tout bann gouvèrnman umin ?

• Jéova i demann bann sitoiyin le Roiyom réspèk désèrtin loi. Èske ou pe di amoin detroi ?

GARD SA OSI

Èske Jézu la ansénié ke le Roiyom lé dan nout keur ?

« Èske le roiyom Bondieu lé dan zot keur ? » (lartik jw.org)

Kosa bann Témoin Jéova lé pré pou fé pou rès fidèl le roiyom Bondieu ?

Nou la rès fidèl le Roiyom Bondieu (1:43)

Sak la Bib i ansègn su lé 144 000 moun ke Jéova i choizi pou règn avèk Jézu.

« Qui va au ciel ? » (lartik jw.org)

Kosa la konvink in madam ke té sobat kont linjustis, ke rienk Bondieu i pe réglé ?

« J’ai découvert la solution à l’injustice » (Réveillez-vous !, novembre 2011)

Le roiyom Bondieu la komans gouvèrné dann sièl depui 1914. Apartir moman la, le dominasion bann zumin lé antrèn viv zot bann dèrnié jour. Koman nou koné sa ? Gras bann profési la Bib é sak i éspas dan le monn depui 1914. Alon voir sa plus an détay.

1. Kosa bann profési la Bib i mont anou ?

Le liv Danièl lavé di ke le roiyom Bondieu noré komans gouvèrné dan la fin in pèryod, ki apèl « sèt tan » (Danièl 4:16, 17). Bann sièk plu tar, Jézu la apèl se mèm pèryod « le tan ke la donn bann nasion », é li la di ke té pa ankor fini (Luk 21:24). Kom nou va voir, lé sèt tan la fini an 1914.

2. Kosa i éspas dan le monn depui 1914 ?

Bann disip Jézu la demann ali : « Kosa i sra le sign de out prézans é le tan la fin se monn la ? » (Matieu 24:3). Jézu la réponn azot é li la di ke kan li sré Roi le roiyom Bondieu dann sièl, va éspas in bonpe zafèr su la tèr, kom bann gèr, bann faminn é bann tranbleman d’tèr (lir Matieu 24:7). La Bib la anonsé osi ke le konportman bann domoun dan « bann dèrnié jour » va rann la vi « difisil pou suporté » (2 Timoté 3:1-5). Sé sak i éspas surtou depui 1914.

3. Poukosa le monn lé mové depui ke le roiyom Bondieu i gouvèrn ?

Jus apré li la ni Roi le Roiyom, Jézu la fé la gèr dann sièl kont Satan é son bann démon. Satan la pèrd. La Bib i di ke « li la été jeté su la tèr, é son bann zanj la été jeté avèk li » (Révélasion 12:9, 10, 12). Satan i koné li sar èt détrui. Donk li lé vréman an kolèr, é li provok in bonpe maleur é la soufrans su tout la tèr. Nou konpran poukosa néna in bonpe mové zafèr dan le monn ! Mé le roiyom Bondieu va détrui tousala.

ALON APRANN PLUS

4. Le kalkul ki pèrmèt ariv juska 1914

VIDÉO : Le roiyom Bondieu la komans gouvèrné an 1914 (5:02)

Néna lontan, Nabukodonozor, le roi Babilonn, la fé in rèv ke Bondieu lavé donn ali. Se rèv profétik la é lésplikasion ke Danièl la doné i mont ke sa i konsèrn an mèm tan Nabukodonozor é le roiyom Bondieua (lir Danièl 4:17).

Lir Danièl 4:20-26 aprésa, utiliz le tablo an d’sou la pou réponn bann késtion ki vien apré :

• A) Kosa Nabukodonozor la vu dan son rèv ? (gard bann vèrsé 20 é 21).

• B) Kosa i ariv le piédboi ? (gard le vèrsé 23).

• C) Kosa i éspas su la fin lé « sèt tan » ? (gard le vèrsé 26).

Le lien ant le piédboi dan le rèv é le roiyom Bondieu

LA PROFÉSI (Danièl 4:20-36)

Règn

A) In gran piédboi

Règn ke la arété

B) « Koup le piédboi […] é ke sèt tan i pas »

Règn ke la rekomansé

C) « Ou va regingn out pouvoir roiyal »

Dan le premié réalizasion profési la…

• D) Kisa le piédboi i reprézant ? (gard le vèrsé 22).

• E) Koman son règn la été arété ? (lir Danièl 4:29-33).

• F) Kosa la ariv Nabukodonozor su la fin lé « sèt tan » ? (lir Danièl 4:34-36).

PREMIÉ RÉALIZASION

Règn

D) Nabukodonozor, roi Babilonn

Règn ke la arété

E) Apré 606 avan nout tan (av. n. t.), Nabukodonozor i pèrd la tèt é li lé pu kapab gouvèrné pandan 7 an

Règn ke la rekomansé

F) Nabukodonozor i retrouv la rézon é li rekomans gouvèrné

Dan le deuzièm réalizasion profési la…

• G) Kisa le piédboi i reprézant ? (lir 1 Kronik 29:23).

• H) Koman règn la, la été arété ? Koman nou koné ke li lété toujour arété kan Jézu lété su la tèr ? (lir Luk 21:24).

• I) Ousa é kansa règn la, la rekomansé ?

DEUZIÈM RÉALIZASION

Règn

G) Bann roi Israèl i reprézant le règn Bondieu

Règn ke la arété

H) Jéruzalèm lé détrui é na pu bann roi Israèl ki dirij pandan 2 520 an

Règn ke la rekomansé

I) Dann sièl, Jézu i devien Roi le roiyom Bondieu

5. Le monn la chanjé depui 1914

Gard le VIDÉO.

VIDÉO : Le monn la chanjé depui 1914 (1:10)

Jézu la anonsé koman le monn i sré kan li sré Roi. Lir Luk 21:9-11 é koz su késtion la :

• Dapré sak i di dan bann vèrsé la, lékèl ou voi réalizé zordi ?

Lapot Pol la éspliké koman domoun i sré dan bann dèrnié jour le dominasion bann zumin. Lir 2 Timoté 3:1-5 é koz su késtion la :

• Anparmi bann konportman la, kèl ou la fini vu otour d’ou ?

6. Le dominasion le roiyom Bondieu i pous anou pou aji

Lir Matieu 24:3, 14 é koz su bann késtion la :

• Kèl laktivité inportan i mont ke le roiyom Bondieu la komans gouvèrné ?

• Koman ou pe partisip se laktivité la ?

Le roiyom Bondieu la komans gouvèrné, é dann pa lontan, li va dirij tout la tèr. Lir Ébreu 10:24, 25 é koz su késtion la :

• Kosa nout tout nou doi fé furmezur ke nou ‘voi le jour i aproch’ ?

SAK NOU LA APRANN

Bann profési la Bib é sak i éspas dan le monn i mont bien ke le roiyom Bondieu lé an plas. Kan nou prèch é ke nou asis rénion, nou mont ke nou lé sur de sa.

Alon révizé

• Kosa la éspasé su la fin lé sèt tan ki trouv dan la profési Danièl ?

• Poukosa ou lé sur ke le roiyom Bondieu la komans gouvèrné depui 1914 ?

• Koman ou pe montré, ke ou kroi ke le Roiyom lé déja an plas ?

GARD SA OSI

Bann zistorien é dot spésialis i rakont sak la chanjé dan le monn depui 1914.

« Depuis quand ce déclin brutal ? » (Réveillez-vous !, avril 2007)

La profési Matieu 24:14 la chanj la vi in mesieu.

« J’aimais le baseball plus que tout au monde ! » (La Tour de Garde n^o 3 2017)

Koman nou koné ke la profési ke néna dann Danièl chapit 4, i konsèrn le roiyom Bondieu ?

« Quand le Royaume de Dieu a-​t-il commencé à régner ? (1^re partie) » (La Tour de Garde, 1^er octobre 2014)

Kosa i mont ke lé « sèt tan » ki trouv dann Danièl chapit 4, la fini an 1914 ?

« Quand le Royaume de Dieu a-​t-il commencé à régner ? (2^e partie) » (La Tour de Garde, 1^er novembre 2014)

Le roiyom Bondieu lé déja an plas. I tard pa, li va chanj in bonpe zafèr su la tèr. Alon voir sak li sar fé.

1. Koman le roiyom Bondieu va remèt an plas la pé é la justis su la tèr ?

Jézu, le Roi le roiyom Bondieu, va suprim bann domoun é bann gouvèrnman mové, pandan la gèr Armagédon (Révélasion 16:14, 16). Kan sa va arivé, se promès la Bib va bien réalizé : « Ankor in pe d’tan, é bann moun ke lé mové va disparèt » (Psom 37:10). Gras le Roiyom, Jézu va ranpli la tèr èk la pé é la justis (lir Izai 11:4).

2. Koman i sra la vi kan la volonté Bondieu i sra fé su la tèr ?

Kan le roiyom Bondieu va gouvèrné, « sak i obéi Bondieu nora la tèr pou zot, é zot va viv desu pou toultan » (Psom 37:29). Zot i majinn ! Tout domoun i sra jus é droit ; tout domoun va èm Jéova é son prochin. Nora pu pèrsonn va tonm malad, é nou va viv pou toultan.

3. Kosa le roiyom Bondieu va réalizé apré la déstruksion bann méchan ?

Apré la déstruksion bann méchan, Jézu va gouvèrn ankor pandan 1 000 an. Pandan pèryod la, avèk lé 144 000 ke va dirij èk li, li va èd bann zumin ni parfé. Kan lé 1 000 an i sra fini, la tèr va vni in joli ti paradi, avèk bann zumin ke lé ereu, parske zot i obéi bann loi Jéova. Jézu va remèt le Roiyom son Papa. Le ‘non Jéova i sra rekonu kom sin’, in fason kom la jamé fé avan (Matieu 6:9, 10). Nou nora la preuv ke Jéova lé in bon dirijan, ki pran soin son bann sitoiyin. Aprésa, Jéova va suprim Satan, bann démon é tout sak i fé le choi rebèl azot kont son dominasion (Révélasion 20:7-10). La vi parfé ke nora gras le roiyom Bondieu va dur pou toultan.

ALON APRANN PLUS

4. Le roiyom Bondieu va détrui bann gouvèrnman umin

« Lom i dominn lom pou son maleur » (Éklézias 8:9). Gras son Roiyom, Jéova va règ tout bann problèm, ke néna akoz se situasion ke lé pa jus.

Lir Danièl 2:44 é 2 Tésalonisien 1:6-8 é koz su bann késtion la :

• Kosa Jéova é Jézu va fé èk tout bann gouvèrnman umin é tout sak i soutien bann gouvèrnman la ?

• Dapré sak ou la aprann su Jéova é Jézu, poukosa ou lé sur ke sak banna i fé lé jus ?

5. Jézu lé le méyeur Roi

Jézu va fé in bonpe d’bien bann sitoiyin le roiyom Bondieu. Gard le VIDÉO pou voir ke Jézu la finn montré ke li la anvi èd domoun, mé osi ke gras Bondieu, li na le pouvoir fé sa.

VIDÉO : Jézu la montré kosa le Roiyom va fé (1:13)

Kan li lété su la tèr, Jézu la donn inn ti lidé su sak le Roiyom va fé. Dan la lis an d’sou la, kèl promès ou ièmré surtou voir réalizé ? Lir bann vèrsé ke néna apré chak promès.

6. In gayar lavnir gras le roiyom Bondieu

VIDÉO : Inn ti lidé de nout gayar lavnir (4:38)

Lir Psom 145:16 é koz su késtion la :

• Kosa ou resan kan ou majinn ke Jéova « [va kontant] vréman le keur tout sak lé vivan » ?

SAK NOU LA APRANN

Le roiyom Bondieu va réaliz son projé. Li va transform tout la tèr an paradi, ousa bann zadorateur Jéova va viv pou toultan.

Alon révizé

• Koman le roiyom Bondieu va sanktifié le non Jéova ?

• Poukosa nou pe èt sur ke le roiyom Bondieu, va réaliz bann promès dan la Bib ?

• Anparmi tout sak le Roiyom va fé, kosa ou lé présé voir réalizé ?

GARD SA OSI

Kosa i ve dir le non Armagédon ?

« Qu’est-ce que la bataille d’Armaguédon ? » (lartik jw.org)

Bann zévènman ké va èspasé pandan sak Jézu la apèl « lo gran détrès ».

« Qu’est-ce que la grande tribulation ? » (lartik jw.org)

In fami i majinn zot vi dan le Paradi.

Majinn aou dan le Paradi (1:50)

Dan lartik « J’étais tourmenté par de nombreuses questions », in lansien rebèl i ésplik ousa li la trouv bann répons pou son bann késtion.

« La Bible transforme des vies » (La Tour de Garde, 1^er janvier 2012)