Сыр тэ сыклякирэс э Библия пир адалэ уроки
Сыклёв Яхваскирэ Свидетелёса. Поманг одолэс, кон дэя тукэ адая брашура, тэ сыклякирэл туса Библия или ячкир заявка про амаро сайто jw.org.
ВСТУПЛЕНИЁ
Прогин кажно абзацо, вопросы зачиндлэ грубонэ шрифтоса (А), и стихи э Библиятэр (Б), дрэ савэ исы главна мысли урокостэр. Подыкх, со паш некотора стихи исы лав «Прогин».
ПЕРВО ЧАСТЬ
Перва лава (В) дро раздело «Уґалёв бутыр» сыкавэл, со лэла тэ ракирэлпэс тэлэ. Подзаголовки (Г) сыкавэн главна мысли урокостэр. Проґинэн стихи Библиятэр, дэ ответы про вопросы и подыкхэн видео (Д).
Подыкхэн картинки и сыр онэ подчиндлэ (Е), адяжэ подуминэ, сыр можно ответить прэ лава дро раздело «Конта можэт тэ пхэнэл» (Ж).
ЗАКЛЮЧЕНИЁ
Дро концо уроко исы разделы «Повторениё» и «Ваш обсуждениё» (З). Кэдэ закончишь уроко, чув дата. Тэлэ ту лакхэса «Заданиё» (И), саво чеинэ тэ кэрэс. Дро раздело «Дыкх бутыр» (К) исы ещё интересно информация.
Сыр тэ лакхэс стихо дрэ Библия саво тукэ чеинэ
Собы тэ лакхэс библейско стихо, подыкх, сыр накхарэлпэс книга э Библиятэр (А), номеро кэ глава (Б) и номеро ко стихо (В). Кэдэ родэс Иоанна 17:3 чеинэ тэ откэрэс э книга Иоанна, 17-то глава, 3-то стихо.