1. Мојсеева

3 А о сап сине најпретпазливо таро са о дива животне со керѓа лен о Девел о Јехова. Адалеске вакерѓа е џувљаке: „Чаче ли о Девел вакерѓа туменге кај на смејнена те хан таро секова каш ки градина?“ 2 А и џувли вакерѓа е сапеске: „Таро са о кашта ки градина шај те ха. 3 Ама башо каш сој тано ко машкар ки градина о Девел вакерѓа: ,На смејнена те хан лестар, ни на смејнена те пипинен ле, те керѓен адава ка мерен!‘“ 4 Тегани о сап вакерѓа е џувљаке: „На, тумен нане те мерен. 5 Соске о Девел џанела кај ко адава диве кеда ка хан лестар, ка пхравѓон тумаре јакхја, хем ка овен сар о Девел, ка џанен сој шукар, а сој лошно.“ 6 Тегани и џувли дикхља кај о плоди таро каш тано шукар хајбаске, шужо јакхјаке хем шужо дикхибаске, па леља лестар хем хаља. Пало адава, кеда сине пе ромеа, денѓа ле таро плоди хем ов да хаља. 7 ... 8 ... 9 ... 10 ... 11 ... 12 ... 13 ... 14 Тегани о Јехова о Девел вакерѓа е сапеске: „Адалеске со керѓан акава, дава тут арман... 15 Ка чхивав душманлуко машкар туте хем машкар и џувли, машкар лакоро потомство хем тло потомство. Ов ка смачконел тло шеро, а ту ка кицине ле ки пета. 16 ... 17 ... 18 ... 19 Тереа ка ха о маро џикоте на иранеа тут ки пхув, колатар сиан лендо. Соске тари пхув сиан, ки пхув ка иране тут“. 20 ... 21 ... 22 ... 23 Адалеске о Девел о Јехова палдинѓа ле тари градина Еден те рандел и пхув колатар со сине лендо. 24 Хем аѓаар палдинѓа е мануше, а ки источно страна тари еденско градина чхивѓа херувимија хем јагало мачи кова со секогаш вртинела пе сине, те шај те аракхен о друмо џи ко каш е животоскоро.