14 ДЕЛО

Сар шај те сикаве вера ко Јехова?

Ов тари е Девлескири страна (1. Петрово 5:6-9)

Јекх христијани одбинела те овел мешимо ко ховавне религиозна хем политичка буќа

Циде тут таро са о адетија со на сикавела и Библија. Ваљани туке храброст те кере адава.

Ма мешин тут ко политичка буќа е манушенгере; ола тане против о Јехова хем лескоро Царство.

Бирин о најшукар — шун е Девле (Матеј 7:24, 25)

Јекх мануш џала ко состанок ки дворана хем проучинела и Библија јекхеа таро е Јеховаскере сведокија

Дружин тут е Јеховаскере сведоконцар; ола ка поможинен тут те ове паше е Девлеа.

Сикљов понадари башо Девел хем трудин тут те икере лескере заповедија.

Јекх мануш ки молитва ветинела кај ка служинел е Јеховаске хем пало адава крстинела пе

Кеда ти вера ка овел зорали, ваљани те ветине тут е Јеховаске хем те крстине тут ко пани (Матеј 28:19).

Шун е Девле. Читин и Библија хем пуч е Јеховаскере сведокон те поможинен тут те хаљове ла. Тегани, кер адава со сикловеа. Ако кереа адава, ка живине засекогаш (Псалм 37:29).