Ка кере ли е Јеховаскири волја?

Бут ценинаја со одвојнѓан туке време те проучине акаја брошура те шај те сикљове башо е Јеховаскере сведокија, со кераја хем сави тани амари организација. Верујнаја кај ој поможинѓа ту те дикхе кај амен сием адала со керена е Девлескири волја авдиве. Охрабринаја ту поодориг те сикљове башо Девел, те вакере тле фамилијаке хем те амаленге башо адава со сикљовеа, хем редовно те аве ко амаре состанокија (Евреите 10:23-25).

Ка дикхе кај со побутер сикљовеа башо Јехова, са побутер ка хаљове кобор чаче ов мангела ту. Тегани, ка ове поттикнимо ту да те кере са те шај те сикаве кај мангеа ле (1. Јованово 4:8-10, 19). Ама, сар шај тле џивдипаја те сикаве кај мангеа е Девле? Соске тано шукар те икере лескере начела? Со ка поможинел туке те манге те кере е Девлескири волја барабар аменцар? Адава со сикавела тут тари Библија ка мангел те поможинел ту те аракхе о одговорија, те шај ту хем тли фамилија те ‚ачховен ко е Девлескоро мангипа ... џикоте надинена тумен ко вечно џивдипа‘ (Јуда 21).

Канинаја ту поодориг духовно те напредујне аѓаар со ка проучине о лил Зачувај ја Божјата љубов.