Ревно те вакера о чачипе башо Исус

Амари ревност бајрола кеда џанаја сар те вакера е јаверенге о чачипе башо Исус. Ов тано о главно бар таро темели баши чачутни вера (Еф. 2:20). Бизо лесте нашти те овел амен надеж башо џивдипа (Дела 4:12). Адалеске тано важно сарине те џанен која тани е Исусескири улога ки е Девлескири намера. Бут мануша тане ховавде те веруњен ко сикљојба со нане тари Библија. Адава тано жално, соске асавкен ка нашти те овел лен о благословија со о Девел ка дел адаленге со сикавена вера ко Исус. Амари ревност башо чачипе ка поттикнинел амен те поможина е искрена манушенге те џанен о чачипе башо Исус, сар дикхела о Девел ки лесте, хем сави тани лескири улога ки е Девлескири намера. Ка ове ли ревно ко периоди кеда ка овел и Спомен-свеченост адалеа со ка вакере о чачипе башо Исус?