Со керѓем ки служба?

◼ Ко мај 2015 берш, ки служба денѓе пе 6.438 лила, џи акана најбаро број! Ко акава бут поможинѓа адава со сием сине ко Саем башо лила, кова со икерѓа пе таро 5-11 мај 2015 берш. Адари сием сине вкупно 58 објавителија хем секова диве сине трин смене, ки јекх смена сине 3 џи ко 4 објавителија. Џикоте сине о Саем сине денде побутер таро 6.800 публикацие ко побутер чхибја. Бут мануша пофалинѓе сар изглединела амаро штанди, о квалитети амаре литературакоро хем пхенѓе кај тани важно и служба со кераја ла. Јекх новинари вакерѓа аменге: „Тумен сиен ‚книжара Скопје‘, сегде сиен ки диз. Секогаш сиен шукар уравде, културна сиен хем џанена сар те керен лафи е манушенцар“.

◼ Освен адава со сием сине ко Саем башо лила, сине јавера да важна настанија ко масек мај. Ко 3 мај икерѓа пе о дујто покраинско конгрес ки романи чхиб хем сине присутна 900 џене тари амари хем таро јавера пхувја. Ко адава конгрес крстинѓе пе дуј џене. Јекх курко пало адава, ко покраинско конгрес ки македонско чхиб ки покраина 1 со икерѓа пе ки хала 5 ко Скопски Саем, сине присутна 559 џене. Ки исто хала, ко 24 мај, кхединѓе пе 1.382 пхраља хем интересентија те шунен о специјално говор таро пхрал Дејвид Шефер кова со ало тари главно канцеларија ко Бруклин, САД. О Јехова заслужинела те фалина ле башо са акала посебна теократска настанија кола со бут охрабринѓе амен хем денѓе баро сведоштво.