Кој шај те овел госто ко шатори е Јеховаскоро?

Те шај те овел некој госто ко шатори е Јеховаскоро ваљани те овел е Девлескоро амал, те овел ле доверба ки лесте хем те шунел ле. О 15 Псалм вакерела со родела о Јехова некастар те шај те овел лескоро амал.

Е ЈЕХОВАСКОРО ГОСТО МОРА...

• те овел верно

• те вакерел о чачипе, чак ко пло вило

• те поштуњел е Јеховаскере слуген

• те икерел пе ко по лафи чак кеда леске пхаро

• те поможинел е јаверен бизо те аџикерел те иранен леске

Е ЈЕХОВАСКОРО ГОСТО НА ВАЉАНИ...

• те оговоринел хем те клеветинел

• те керел лошнипе пле пашутненге

• те искористинел пле духовно пхрален

• те дружинел пе адаленцар со на служинена е Јеховаске хем на шунена ле

• те лел мито