Јекх сурово прогонители уло ревносно проповеднико

О Савле одма применинѓа адава со сиклило. Соске ов прифатинѓа о чачипа, а о јавера на? Адалеске со ов дарала сине повише таро Девел него таро мануша, хем бут ценинѓа и милост со сикавѓа ла леске о Христос. Ако проучинеа и Библија, ама панда на сиан крстимо, ка ове ли одлучно сар о Савле аѓаар со ка применине адава со сикљовеа?