БАРВАЛИПА ТАРО Е ДЕВЛЕСКОРО ЛАФИ | 2. КОРИНЌАНИТЕ 4-6
„На откажинаја амен“
Замислин туке дуј фамилие кола со живинена ки јекх пурани зграда која сој ки бут лошно состојба. Јекх фамилија лендар тани бут разочарими, хем адава тано нормално. Ама, интересно тано адава со и јавер фамилија тани бахтали. Соске? Адалеске со адаја фамилија панда хари ка селинел пе ко нево хем шужо кхер.
Иако „са о створиме буќа тажно ровена хем тане ки дукх са џи акана“, е Девлескере слуген иси лен надеж која со дела ленге сила те шај понадари да те џан англе (Ри 8:22). Амен џанаја кај о неволје со иси амен акана, па чак окола со мучинена амен бершенцар, тане моментална хем локхе ако спорединена пе е вечно животоја ко е Девлескоро нево свето. Адава со ка размислина башо берекетија со ка анел е Девлескоро Царство ка поможинел аменге те ова бахтале хем те на откажина амен.