Со шај те сикљова околендар сој тане бут берша ко чачипе?

Ко амаре собранија иси пхраља хем пхења кола со бершенцар служинена е Јеховаске. Ко берша со накхле ола сикавѓе бари доверба ко Јехова. Лендар шај бут те сикљова. Шај те пуча лен баши историја е Јеховаскере организацијакири хем сар о Јехова поможинѓа ленге кеда сине лен пхарипа. Шај те канина лен ки амари Фамилијарно рат хем те замолина лен те вакерен аменге несаве искуствија.

Ако ту да бершенцар служинеа е Јеховаске, вакер е потерненге сар о Јехова поможинѓа туке. О Јаков хем о Јосиф вакерена сине пумаре чхавенге хем унуконге башо са со керѓа ленге о Јехова (1Мо 48:21, 22; 50:24, 25). Пало адава о Јехова денѓа заповед е поглаваренге те вакерен пумаре чхавенге башо чудија со керѓа лен (5Мо 4:9, 10; Пс 78:4-7). Ко амаро да време, о родителија хем о јавера ко собрание шај те вакерен е потерненге башо бут шуже буќа со керѓа лен о Јехова преку пли организација.

ДИКХ О ВИДЕОКЛИПИ О ЈЕХОВА ПОМОЖИНЕЛА АМЕН ТЕ АЧХОВА КО ЈЕКХИПЕ, А ПАЛО АДАВА ПУЧ:

• Сар и подружница ки Австрија поможинѓа амаре пхраленге ко пхувја коте со амаре активностија сине забраниме?

• Соске е пхрален ко адала пхувја сине лен зорали вера?

• Соске бут објавителија ки Романија одвојнѓе пе тари е Јеховаскири организација, хем сар покасно палем иранѓе пе?

• Сар акава клипи керѓа тли вера позорали?