Содржина

Со ваљани те кера кеда мислинаја кај амаре проблемија тане добором пхаре со више нашти те издржина лен? Ки акаја статија ка кера лафи башо е бершескоро стихо башо 2018 берш. Ка дикха соске ваљани аменге сила таро Јехова хем сар шај ов те дел амен сила.

Акава берш, и Спомен-свеченост башо е Христосескоро мерибе ка икерел пе сабота, 31 март. Сар шај те спремина амен башо акава настан? Сар ка користинел аменге ако сием присутна? Сар и Спомен-свеченост керела е Девлескоро народо ко цело свето те овел ко јекхипе? О одговор башо акала пучиба ка аракха лен ки акаја статија.

Са со иси амен авела таро Јехова. Ама, ов дела амен прилика те користина амаре материјална средствија те шај те поддржина адава со керела лескири организација. Ки акаја статија ка дикха соске хем сар користинела аменге адава со сикаваја чест е Јеховаске адалеа со иси амен.

Ки прво статија ка дикха кај о чачутно бахталипе авела таро мангипе башо Девел, а на таро себично мангипе со сикавела пе ко „последна диве“ (2. Тим. 3:1). И дујто статија објаснинела кобор разликујнена пе е Девлескере слуге таро бут мануша авдиве.