Саво сине о живото ко рај?

О Јехова денѓа е Адамеске хем е Еваке бут шукар буќа (1. Мојсеева 1:28)

О Јехова керѓа е прво џувља, е Ева, хем денѓа ла е Адамеске те овел лескири ромни (1. Мојсеева 2:21, 22).

О Јехова керѓа лен совршено гоѓаја хем телоја, на сине лен нисави маана.

Ленгоро рајско кхер сине и Еденско градина — јекх бут шужо тхан коте со сине пани, разно овошје хем животне.

О Јехова керѓа ленцар лафи; ов сикавела лен сине. Те шунен ле сине, ола ка шај те живинен сине вечно ко Рај ки Пхув.

О Девел вакерѓа те на хан таро јекх каш (1. Мојсеева 2:16, 17)

О Јехова сикавѓа е Адамеске хем е Еваке јекх каш тари Еденско градина хем вакерѓа ленге ако хале лестар, ола ка мерен.

Јекх таро о ангелија противинѓа пе е Девлеске. Адава лошно ангели сине о Сатана, о Бенг.

О Сатана на мангља о Адам хем и Ева те шунен е Јехова. Адалеске ов користинѓа јекхе сапе те вакерел е Еваке кај ако хаља таро адава каш, нае те мерел, него ка овел сар Девел. Адалеа, ов ховавѓа ла (1. Мојсеева 3:1-5).