ЛЕКЦИЈА 02
И Библија дела надеж
Буте манушен авдиве иси лен проблемија кола со керена те овен тажна, секириме, па чак те осетинен дукх. Дали туке да случинѓа пе нешто со керѓа те осетине тут аѓаар? Шај пхаро туке адалеске со иси тут несаво насвалипе или адалеске со муло тутар некој кас со мангљан. Шај пучеа тут: „Дали о живото некогаш ка овел пошукар?“ О одговор ко акава пучибе аракхљовела ки Библија хем ов шај бут те охрабринел амен.
1. Сар и Библија дела надеж?
И Библија објаснинела соске авдиве иси бут проблемија. Ама исто аѓаар, ој вакерела аменге јекх шукар хабери кај о Девел панда хари ка цидел са акала проблемија. О ветувања тари Библија шај те ден тут „иднина хем надеж“. (Читин Еремија 29:11, 12.) Акала ветувања шај те поможинен аменге те икљова ко крајо амаре проблеменцар, те овел амен позитивно стави хем уверинена амен кај шај те ова бахтале засекогаш.
2. Сави иднина ветинела и Библија?
Ки Библија пишинела кај ки иднина „мерибе нане те овел више, ни жалибе, ни ројбе, ни дукха“. (Читин Откровение 21:4.) О проблемија со керена е манушен авдиве те овен бизи надеж, сар сој о чоролипе, о неправде, о насвалипе хем о мерибе више нане те постојнен. И Библија ветинела кај о мануша шај те овен бахтале засекогаш ко рај ки Пхув.
3. Сар шај те уверине тут кај о библиска ветувања ка исполнинен пе?
Бут мануша надинена пе кај ка случинен пе шукар буќа, ама нашти те овен сигурна кај адава чаче ка овел аѓаар. Ама, адава со ветинела и Библија сигурно ка исполнинел пе. Те шај те уверина амен ко адава, ваљани шукар те истражина и Библија (Дела 17:11). Џикоте проучинеа и Библија, шај коркори те одлучине дали ка верујне ко адава со ој вакерела баши иднина.
ДОЗНАЈН ПОВИШЕ
Дикх саве буќа ветинела аменге и Библија баши иднина. Исто аѓаар, дикх сар и надеж тари Библија поможинела е манушенге авдиве.
4. И Библија ветинела аменге кај шај те живина засекогаш бизо нисаве проблемија
Дикх о библиска ветувања сој тане пишиме потеле. Кола таро адала ветувања свиџинена пе туке највише, хем соске?
Читин о стихија коте сој пишиме адала ветувања, а пало адава керен лафи башо акала пучиба:
Дали акала стихија шај те ден тут надеж? Дали шај те ден надеж тле фамилијаке хем тле амаленге?
Замислин туке кај живинеа ко свето коте со
НИКОЈ... |
СЕКОЈ... |
|---|---|
|
|
|
|
|
|
|
|
|
|
5. И надеж тари Библија шај те менинел е манушенгоро живото
Бут мануша тане разочариме, па чак бут хољаме кеда дикхена о проблемија околу ленде. Адалеске несаве мануша боринена пе те менинен о буќа ко пошукар. О ветувања тари Библија баши пошужи иднина поможинена е манушенге панда авдиве. Дикх о ВИДЕОКЛИПИ, а пало адава керен лафи башо акала пучиба:
Кола неправде мучинена сине е Рафика?
Сар поможинѓа и Библија е Рафикаке, иако о неправде со дикхела лен сине на нашавдиле?
О ветувања тари Библија баши пошужи иднина шај те поможинен аменге кеда сием обесхрабриме хем исто аѓаар те ачхова бахтале, иако иси амен проблемија. Читин Изреки 17:22 хем Римјаните 12:12, а пало адава керен лафи башо акала пучиба:
Со мислинеа, дали о ветувања тари Библија со дена надеж шај те керен тло живото пошукар? Соске?
НЕСАВЕ ШАЈ ВАКЕРЕНА: „О ветувања тари Библија тане превише шукар те шај те овен чаче“.
Со мислинеа, соске тано важно те истражине о доказија кај о библиска ветувања ка исполнинен пе?
СО СИКЛИЛЕМ
Ки Библија иси бут ветувања кај ка овел пошукар иднина. Акава дела амен надеж хем керела амаро живото те овел пошукар панда акана.
Сар ка одговорине?
Соске е манушенге ваљани надеж?
Со ветинела и Библија баши иднина?
Сар и надеж баши пошукар иднина шај те поможинел туке панда авдиве?
ИСТРАЖИН
Дознајн сар шај и надеж баши иднина те поможинел околенге со иси лен хронично насвалипе.
Џикоте дикхеа акава музичко споти, замислин сар заедно тле фамилијаја уживинеа ко живото ко рај со ветинела и Библија.
Дознајн сар менинѓа пе о живото јекхе манушескоро кова со боринела пе сине башо правија е манушенгере хем е животненгере, откеда шунѓа баши надеж со дела и Библија баши иднина.
„Повеќе не сметам дека јас треба да го сменам светот“ (Стражарска кула таро 1 јули 2013)