ТЕ ВОДИНА БИБЛИСКА КУРСИЈА
ЛЕКЦИЈА 11
Ов едноставно
Начело: „Ако тумаре чхибјаја на вакерена лафија со шај локхе те хаљовен пе, сар о јавера ка хаљовен тумен?“ (1. Кор. 14:9)
Со керѓа о Исус?
1. Дикх о ВИДЕОКЛИПИ или читин Матеј 6:25-27. Пало адава размислин башо акала пучиба:
а) Сави споредба вакерѓа о Исус те шај те сикавел кај о Јехова грижинела пе аменге?
б) Иако о Исус џанља бут буќа башо чирикља, ки сави едноставно бути концентриринѓа пе? Соске адава сине шукар начин?
Со сикљоваја таро Исус?
2. Кеда сикаваја е манушен ко едноставно начин, ола шај адава те памтинен ле хем те кхувел ленге ко вило.
Џа пало е Исусескоро пример
3. Ма кер бут лафи. Наместо те вакере са со џанеа баши јекх тема, концентририн тут ко материјали сој тано дендо ки публикација со проучинена ла. Откеда ка пуче е интересенте о пучибе стрпливо аџикер те одговоринел. Ако на џанела о одговор или вакерела нешто со нане ко склад адалеа со сикавела и Библија, користин додатна пучиба те шај те поможине леске те хаљовел и тема. Кеда ка хаљол о интересенти и главно поента, џан понадари.
4. Користин адава со о интересенти више џанела те шај те поможине ле те хаљол о неве буќа. На пример, англедер те почминен те проучинен и лекција башо воскресение, кратко повторинен со овела е манушенцар кеда мерена, те шај те дикхе саве буќа џанела.
5. Шукар бирин саве споредбе ка вакере. Англедер те вакере несави споредба, пуч тут:
а) Дали и споредба тани едноставно?
б) Дали е интересентеске ка овел локхо те хаљол ла?
в) Дали ка памтинел и поука или само и споредба?