Користин и интернет-страница jw.org ки служба — О видеа е чхавенѓе „Ов е Јеховаскоро амал“

Ки амари интернет-страница jw.org/rmn, ко PUBLIKACIE > VIDEOFILMIJA, иси цртана филмија хем гиља кола со и дело тари серија цртана филмија „Ов е Јеховаскоро амал“. Дали џи акана користинѓан лен ки служба? Ако проучинеа некасаја со иси ле чхаве, шај те сикаве леске акала видеа. Адава шај те поттикнинел ле те дикхел јавера да буќа ки амари интернет-страница.

Кеда даја сине о трактати Хабери башо Царство бр. 38, јекх пхрал денѓа јекхе ромњаке о трактати хем ој одма почминѓа те читинел ле. Лакере тикне чхаве мангле те дикхен со читинела ленгири дај. О пхрал кратко објаснинѓа со вакерела о трактати хем сикавѓа и интернет-адреса со аракхљола ки последно страна. Адалеске со и ромни сикавѓа интерес, о пхрал таро пло мобилно телефони мукхља е чхавенге хем лаке јекх цртано филми таро Емрани.

Јекх пхен вакерѓа пе колешкаке со иси ла тикне чхаве кај ки амари интернет-страница шај те аракхел информације башо фамилие. И ромни пхравѓа и интернет-страница jw.org пе чхавенцар. Пало несаво време, ој пхенѓа е пхењаке кај лакере чхаве кхере гиљавена песке и гили 92, со и тани јекх таро гиља ки амари интернет-страница гиљавди таро чхаве.

Дикх со иси ки jw.org/rmn хем перав несаво видео хем гили ко тло мобилно телефони или таблети. Тегани ка шај те користине лен ки служба. Акава тано јекх шукар начин сар шај те славина е Девле (Дела 20:19).