Презентацие

Сар те дел пе и покана баши Спомен-свеченост

„Амен даја акаја покана башо јекх бут важно диве. Ко 3 април, бут мануша ко цело сумнал ка кхеден пе те сетинен пе ки е Исусескири жртва. Тегани ка шунен јекх говор коте со ка керел пе лафи сар шај те користинел аменге лескири жртва. Ки акаја покана пишинела кеда хем коте ка икерел пе акава.“

Стражарска кула 1 март

„Бут џене акава берш ка кхеден пе ко 3 април те сетинен пе ки е Исусескири жртва. Ама, иси мануша кола со на веруњена кај о Исус денѓа по џивдипе сариненге. Со мислинеа ту? Иси ли амен корист таро адава со о Исус муло хем воскреснинѓа? [Мукх те одговоринел о станари.] Дикх со вакерела е Девлескоро Лафи башо адава. [Читин 1. Коринќаните 15:22, 26.] Акава списание вакерела сави корист ка овен амен тари е Исусескири откупно жртва, сар на пример, кај ка авел диве кеда никој нане те мерел.“

Разбудете се! Март

„Мангава те сикавав туке о најнево број таро Разбудете се! [Сикав и насловно страна.] Секоле мануше иси ле пло мислење кеда ка пуче ле ‚Иси ли Девел?‘ Со мислинеа, кој дикхела попозитивно ко џивдипа – окола со веруњена или окола со на веруњена ко Девел? [Аџикер те одговоринел о станари.] Акала лафија таро Девел дена надеж буте манушенге. [Читин Псалм 37:10, 11.] Ко акава списание иси штар причине соске ваљани те испитина дали иси Девел.“