Те шај шукар те сикава е манушен ваљани те спремина амен

Е Исусе најхари ко дуј прилике пучле ле јекх исто пучибе башо вечно џивдипе, ама ов секова пути дела сине одговор спрема о потребе е манушескере со пучела ле (Лука 10:25-28; 18:18-20). Адалеске, иако шај шукар пенџараја о поглавје со ваљани те проучина е интересентеа, амен ваљани англедер те спремина амен хем те размислина башо интересенти. Сар на пример: Кола буќа шај те овен леске пхаре те хаљовел лен или те прифатинел лен? Кола стихија ваљани те читина лен? Кобор пасусија ваљани те читина леа? Те шај те поможина е интересентеске пошукар те хаљовел несави бути, шај ка ваљани те вакера несави споредба, те објаснина побутер или те пуча некобор пучиба. О Јехова тано адава со керела о семе е чачипаскоро те бајрол некаске ко вило, адалеске ваљани те молина ле те поможинел аменге џикоте спреминаја амен те проучина е интересентеа. Исто аѓаар, ваљани те молина амен те поможинел е интересентеске хем аменге да кеда трудинаја амен те поможина леске ко духовно поглед (1. Кор. 3:6; Јак. 1:5).