Пучибе

◼ Кеда шај те чхинавел пе некасаја и библиско студија?

Ако јекх интересенти на напредуњела духовно, тегани шај ко тактично начин те чхинавел пе и библиско студија леа (Мат. 10:11). Размислин башо акала буќа: Дали икерела пе ко термини кеда ваљани те проучинен? Дали англедер спреминела пе башо материјали? Дали авела ко несаве состанокија ки дворана? Дали керела јаверенцар лафи башо адава со сикљола? Керела ли промене ко пло џивдипе, аѓаар со применинела о советија тари Библија? Те овел амен ки годи кај, кобор некој напредуњела духовно зависинела таро лескере берша хем способностија. Исто аѓаар, ако чхинавѓан и студија, кер о интересенти те осетинел пе кај ту мангеа палем те проучине леа, кеда ов ка овел спремно (1. Тим. 2:4).