Љубезно те доџакера лен

Кас љубезно те доџакера? Секој со авела ко амаре состанокија — бизи разлика дали прво пути авела ко состанок или тано некој со џанаја ле повише време (Ри 15:7; Ев 13:2). Адала шај те овен амаре пхраља хем пхења со але тари јавер пхув или о неактивна пхраља хем пхења со але ко состанок пало некобор берша. Замислин туке те ове ко ленгоро тхан. Нане ли те осетине тут шукар ако љубезно доџакерена тут? (Мт 7:12). Трудин тут те џа хем те поздравине ту е јаверенцар англедер хем пало состанок. Адава ка поможинел те овел шукар атмосфера ко собрание хем аѓаар ка славина е Јехова (Мт 5:16). Точно и адава кај нашти секасаја посебно те кера лафи. Ама, сарине ка осетинен пе шукар ако кераја амаро дело.a

Секогаш ваљани те сикава гостољубивост, а на само ко посебна прилике сар сој и Спомен-свеченост. Кеда о неве со авена ка дикхен хем ка осетинен амаро мангипе, тегани шај ка овен поттикниме те фалинен е Девле хем те служинен леске заедно аменцар (Јвн 13:35).