Кер пошукар и служба — сикав е интересенте сар те спреминел пе

СОСКЕ ТАНО ВАЖНО: Кеда тане спремна окола со проучинаја ленцар, шај полокхе те хаљовен хем те памтинен о материјали. Адава ка поможинел лен посигате те напредујнен. Чак откеда ка крстинен пе, ола ваљани те спреминен пе башо состанокија хем баши служба ко подрачје те шај „те ачховен џангавде“ (Мт 25:13). Значи, ако сикљовена сар те проучинен хем сар те овен лен шукар навике проучибаске, адава ка користинел ленге цело живото. Ко почеток кеда ка почминен те проучинен, одма почмин те поможине е интересентеске те овел ле навика те спреминел пе.

САР ТЕ КЕРА АДАВА:

• 

  Ов леске шукар пример (Ри 2:21). Џикоте спреминеа тут башо библиско курси размислин башо потребе е интересентескере (km 11/15 3 стр.). Нека дикхел кај тло лил тано бележимо

• 

  Поттикнин ле те спреминел пе. Панда ко почеток вакер леске кај о спремибе тано дело таро библиско курси хем објаснин саве користија иси тут таро адава. Де ле несаве практична предлогија башо адава сар те аракхел време те спреминел пе. Несаве објавителија дена пумаро лил сој бележимо те шај о интересенти те дикхел кобор тано корисно англедер те спреминел пе. Пофалин ле кеда тано спремимо

• Сикав ле сар те спреминел пе. Само со ка почминен некасаја те проучинен, несаве објавителија одвојнена песке време те сикавен е интересенте сар те спреминел пе