ТЕ ЖИВИНА САР ХРИСТИЈАЊА
Те проповедина хем те сикава е манушен
О Исус заповединѓа пле учениконге те џан хем те керен ученикија (Мт 28:19). Ко адава тано вклучимо те проповедина хем те сикава е манушен. Шукар тано понекогаш те пуча амен: „Сар шај те керав пошукар акала дуј буќа?“
ТЕ ПРОПОВЕДИНА
Амен нашти те аџикера о мануша те авен аменде, него амен ваљани те џа те рода адален со мангена те шунен о шукар хабери (Мт 10:11). Кеда сием ки служба, дали користинаја секоја прилика те шај те сведочина? (Де 17:17). И Лидија ули ученико е Исусескоро адалеске со о Павле темелно керела сине пли служба (Де 16:13-15).
„Сабајле сејн о семе хем џи раќате ма те одморинел то вас“ (Про 11:6)
ДИКХЕН О КЛИПИ ПОНАДАРИ ДА ПРОПОВЕДИН БИЗО ТЕ ЧХИНАВЕ — НЕФОРМАЛНО ХЕМ ТАРО КХЕР КО КХЕР, ХЕМ ПАЛО АДАВА ОДГОВОРИНЕН КО АКАЛА ПУЧИБА:
Сар о Самоил користинела сине секоја прилика те шај те сведочинел?
Соске ваљани те ова истрајна ки секоја гранка тари служба?
Каске шај те сведочина џикоте завршинаја амаре обврске ко теко е дивескоро?
ТЕ СИКАВА Е МАНУШЕН
Те шај те кера ученикија, нане доволно само те мукха ленге литература. Те шај те напредујнен ко духовно поглед, ваљани редовно те посетина лен хем те почмина ленцар библиска курсија (1Ко 3:6-9). Ама, со ако нане резултатија иако даја амендар са те шај те сикава некас? (Мт 13:19-22). Ваљани понадари да те рода адален со иси лен виле сар „шукар пхув“ (Мт 13:23; Де 13:48).
„Ме садинѓум, о Аполо чхивѓа пани, ама о Девел керѓа те бајрол“ (1Ко 3:6)
ДИКХЕН О КЛИПИ ПОНАДАРИ ДА ПРОПОВЕДИН БИЗО ТЕ ЧХИНАВЕ — КО ПРОМЕТНА ТХАНА ХЕМ КЕР УЧЕНИКИЈА, ХЕМ ПАЛО АДАВА ОДГОВОРИНЕН КО АКАЛА ПУЧИБА:
Сар о Соломон хем и Марија чхивена сине пани ко семе башо чачипе ко вило е Езекиелескоро хем е Авигеакоро?
Сави ваљани те овел амари цел ки секоја гранка тари служба, коте сој вклучими и служба да ко прометна тхана?
Сар шај те трудина амен повише те сикава е манушен?