Трудинен тумен тумаре чхаве те овен попаше е Јеховаја

О родителија сој верна е Девлеске радосна тане кеда дикхена сар ленгере чхаве овена слуге е Јеховаскере. О родителија шај те поможинен пумаре чхавенге адалеа со панда таро тикнипе ка чхивен ленге ко виле адава со сикавела и Библија (5Мо 6:7; Из 22:6). Дали ка ваљани те керен пе несаве жртве башо акава? Сигурно! Ама, тло трудо ка овел наградимо (3Јо 4).

О родителија шај бут те сикљовен таро Јосиф хем тари Марија. Ола секова берш џана сине ко Ерусалим башо празнико Пасха, иако адава лендар родела сине труд хем паре (Лк 2:41). Ама, е Јосифеске хем е Маријаке најважно сине ленгири фамилија те овел паше е Јеховаја. Слично сар ленде, авдиве да о родителија шај те водинен пумаре чхавен ко исправно друмо аѓаар со ка користинен секоја прилика те сикавен лен лафенцар хем примереа (Пс 127:3-5).

ДИКХЕН О ВИДЕОКЛИПИ ОЛА КОРИСТИНЃЕ СЕКОЈА ПРИЛИКА, ХЕМ ПАЛО АДАВА ОДГОВОРИНЕН КО АКАЛА ПУЧИБА:

• Сар о Џон хем и Шерон Шилер продолжинѓе те служинен е Јеховаске иако сине лен противибе тари фамилија?

• Соске о родителија ваљани те сикавен, те водинен хем те воспитинен секоле чхаве ко различно начин?

• Сар шај о родителија те спреминен пумаре чхавен те истрајнен кеда ка овел ко испит ленгири вера?

• Саве буќа тари амари организација користинѓан те шај те поможине те чхавенге те овен паше е Јеховаја?