Мукх о Јехова те сикавел тут

СОСКЕ ТАНО ВАЖНО: О Јехова, о Најбаро Учители, дела аменге о најшукар образование со шај те овел амен. Ов сикавела амен сар те живина пошукар амаро живото хем спреминела амен баши јекх бут шужи иднина — хем са адава бесплатно! (Иса 11:6-9; 30:20, 21; От 22:17). Освен адава, о Јехова сикавела амен сар те вакера е јаверенге о хабери со шај те дел лен живото (2Ко 3:5).

САР ТЕ КЕРА АДАВА:

• Трудин тут те ове понизно хем љубезно (Пс 25:8, 9).

• Користин о образование таро Јехова со акана дела ле туке, сар на пример, прифатин о задаче таро состанок „Амаро живото хем служба“.

• Размислин башо адава сар шај панда ки побари мера те служине е Јеховаске хем кер туке плани те шај те исполнине адава (Фп 3:13).

• Кер жртве те шај те пхере о условија те учествујне ки несави теократско школа (Фп 3:8).

ДИКХ О ВИДЕОКЛИПИ О ПОУКЕ ТАРО ЈЕХОВА КЕРЃЕ ЛЕН ДУХОВНО БАРВАЛЕ, ХЕМ ПАЛО АДАВА ОДГОВОРИН КО АКАЛА ПУЧИБА:

• Саве сине несаве пречке со ваљани сине те накхавен лен несаве објавителија те шај те овен ки Школа башо полновремена објавителија?

• Сави обука добинела пе ки акаја Школа?

• Сави помош добинѓе несаве пхраља хем пхења таро собрание коте со сине бичхалде пало дипломирибе ки акаја Школа?

• Кој шај те џал ки Школа башо полновремена објавителија? (kr-MC 189 стр.)

• Сави јавер обука шај те добине ки е Јеховаскири организација?