О Јехова мангела е чиста манушен

„Тхов тле васта. Чистин тли соба. Тхов о чаре. Фрде о ѓубре.“ Бут родителија сикавена пумаре чхавен те овен чиста ко физичко поглед. Ама, о начелија баши чистота денѓа лен аменге амаро свето Девел (2Мо 30:18-20; 5Мо 23:14; 2Ко 7:1). Кеда сием чиста амен хем амаре лична буќа, амен анаја фалба е Јеховаске (1Пе 1:14-16). Ама сар тано амаре кхеренцар хем е околинаја коте со живинаја? Несаве мануша фрдена ѓубре ки улица хем ко паркија, ама е Девлескере слуге керена са те шај те овел и Пхув чисто (Пс 115:16; От 11:18). Чак ко тикне буќа дикхела пе саво стави иси амен спрема и чистота, сар на пример, коте фрдаја о ѓубре таро бонбонија, лименке или мастике. Мангаја ко са те сикава „кај сием е Девлескере слуге“ (2Ко 6:3, 4).

ДИКХ О ВИДЕОКЛИПИ О ДЕВЕЛ МАНГЕЛА Е ЧИСТО МАНУШЕН, А ПАЛО АДАВА ОДГОВОРИН КО АКАЛА ПУЧИБА:

• Саве изговорија шај те овел некас со на грижинела пе те овен чиста лескере лична буќа?

• Сар е Мојсеескоро закони поможинела аменге те џана сар о Јехова дикхела ки чистота?

• Сар шај те фалина е Јехова бизо лафија?