Користин споредбе те истакнине о главна мисле

Кеда кераја повторна посете или кеда проучинаја некасаја и Библија, ваљани те поможина ленге те хаљовен о главна мисле. Ако користинаја споредбе те шај те истакнина о главна мисле, ка реса џи ко ленгоро вило хем ка поможина ленге полокхе те памтинен лен.

Џикоте спреминеа тут баши повторно посета или башо библиско курси, приметин о главна мисле кола со мангеа те објаснине лен, а на несаве тикне деталија. Тегани, бирин едноставна споредбе таро секојдневно живото (Мт 5:14-16; Мр 2:21; Лк 14:7-11). Ле ко предвид о потекло е манушескоро хем адава со интересинела ле (Лк 5:2-11; Јвн 4:7-15). Кеда ка дикхе кобор тано бахтало адалеске со халило и смисла, ту да ка ове бахтало.

МУКХ О ВИДЕОКЛИПИ ОВ БАХТАЛО ЏИКОТЕ КЕРЕА УЧЕНИКИЈА — КЕР ПОШУКАР И СЛУЖБА: КОРИСТИН СПОРЕДБЕ ТЕ ИСТАКНИНЕ О ГЛАВНА МИСЛЕ, А ПАЛО АДАВА ПУЧ:

• 

  Соске е интересентенге шај ка ваљани помош те хаљовен о библиска стихија?

• 

  Сар и Нита објаснинѓа о чачипе таро Римјаните 5:12?

• 

  Сар шај те влијајнел јекх шукар споредба упро адала со шунена амен?

• Соске тано шукар ки служба те користина видеоклипија хем јавера публикацие со добинаја лен тари е Јеховаскири организација?