Чхив туке целија баши Спомен-свеченост

Секова берш, е Јеховаскоро народо едвај аџикерела те икерел заедно и Спомен-свеченост. О курке англедер хем пали Спомен, амен мангаја те користина о посебна прилике те фалина е Јехова хем те сикава амари благодарност баши откупнина (Еф 1:3, 7). На пример, трудинаја амен те канина е јаверен баши Спомен-свеченост. Несаве шај те керен промене те шај те служинен сар помошна пионерија 30 или 50 саатенцар ко масекија март или април. Мангеа ли те бајраре тли служба ко акава периоди? Со ка поможинел туке те кере адава?

Бут пути, шај повише те постигнина ако планиринаја англедер (Из 21:5). Адалеске со панда хари ка овел и Спомен-свеченост, ваљани акана те почмина те планирина. Размислин сар шај те бајраре тли служба ко периоди кеда тани и Спомен хем одлучин со ваљани те кере те шај те успејне ко адава. Пало адава, молин тут е Јеховаске те поможинел тут (1Јо 5:14, 15).

Шај ли те размислине ко кола начинија шај те бајраре тли служба?