Дали шукар користинеа и Библија ко аудиоформати?

Сој тани и Библија ко аудиоформати? Ој тани снимка таро ревидиримо Превод нов свет хем икљола постепено ко са повише чхибја. Јекх корисно бути тари Библија ко аудиоформати тани кај користинела пе различна гласија баши секоја библиско личност. О тексти читинела пе аѓаар со исправно нагласинена пе о лафија хем иси соодветна чувствија те шај точно те пренесинел пе и библиско порака.

Сави корист иси несавен тари Библија ко аудиоформати? Бут џене уживинена редовно те шунен и Библија ко аудиоформати соске адава керела те овел ленге пореално е Девлескоро Лафи. Адава со шунена различна гласија баши секоја библиско личност поможинела ленге пошукар те замислинен песке о библиска настанија хем пошукар те хаљовен адава сој тано пишимо (Из 4:5). Бут џене кеда осетинена пе вознемириме, шунена о снимке тари Библија хем аѓаар смиринена пе (Пс 94:19).

Кеда читинаја и Библија ко гласо адава шај бут силно те влијајнел ко амаро живото (2Ле 34:19-21). Ако иси несаве делија или целосно и Библија ко аудиоформати ки несави чхиб со хаљовеа ла, дали шај о шунибе тари Библија те овел туке дело таро тле секојдневна духовна активностија?

ДИКХ О КЛИПИ САР СНИМИНЃА ПЕ И БИБЛИЈА КО АУДИОФОРМАТИ — ИЗВАДОК, А ПАЛО АДАВА ОДГОВОРИН КО АКАВА ПУЧИБЕ:

Со свиџинѓа пе туке највише кеда сниминѓа пе и Библија ко аудиоформати?