ТЕ ЖИВИНА САР ХРИСТИЈАЊА
Сар шај сар родителија те поможинен тумаре чхавенге те овел лен и мудрост таро Девел
Јекх таро најшукар начинија сар шај о родителија те поможинен пумаре чхавенге те овел лен и мудрост таро Девел тано аѓаар со ка поможинен ленге те овел лен корист таро состанокија. Адава со дикхена хем шунена ко состанокија хем адава со вакерена ко пумаре коментарија шај те поможинел ленге те сикљовен башо Јехова хем те овен леа паше амала (5Мо 31:12, 13). Ако сиан родители, сар шај те поможине тле чхавенге те овел лен кобор со шај побари корист таро состанокија?
Де тутар са те ове присутно ко состанокија ки дворана (Пс 22:22).
Одвојн време те кере лафи хем те охрабрине тут е пхраленцар хем е пхењенцар англедер хем пало состанокија ки дворана (Ев 10:25).
Секоле тари фамилија нека овел ле пло примерок таро публикацие кола со проучинена пе ко состанокија, бизи разлика дали ко печатимо или ко електронско формати.
Поможин тле чхавенге те спреминен коментари пле лафенцар (Мт 21:15, 16).
Кер позитивно лафи башо состанокија хем башо упатствија со добинаја лен ки ленде.
Поможин тле чхавенге те учествујнен кеда чистинела пе и дворана, а исто аѓаар те керен лафи е попхуре пхраленцар хем пхењенцар таро собрание.
Ваљани бут те трудине тут те шај тле чхавенге те поможине те овен паше е Јеховаја. Ама, понекогаш шај ка мислине кај нане тут доволно сила башо адава. Сепак, шај те ове сигурно кај о Јехова ка поможинел туке (Иса 40:29).
ДИКХ О КЛИПИ САР РОДИТЕЛИЈА, СИКАВЕН ДОВЕРБА КО ЈЕХОВА ХЕМ ОВ КА ДЕЛ ТУМЕН СИЛА, А ПАЛО АДАВА ОДГОВОРИН КО АКАЛА ПУЧИБА:
Сар о умор влијајнѓа упро Зак хем и Лија?
Соске о родителија ваљани те роден сила таро Јехова?
Сар о Зак хем и Лија сикавѓе доверба ко Јехова?