Јавера статие ки Стражарско кула
Бут објавителија користинена и апликација JW Library® те шај те спреминен пе башо состанокија хем свиџинела пе ленге со шај локхе те аракхен пе о статие проучибаске. Ама ки Стражарско кула сој башо проучибе, бут пути иси јавера да статие сој исто аѓаар дело тари духовно храна. Сар шај те користине и апликација JW Library те аракхе акала статие хем те овел тут корист лендар?
Ко крајо тари секоја статија проучибаске иси о поднаслов „Дополнителен материјал за читање“. Потеле таро акава поднаслов кхув ко линко коте со пишинела „Други статии во овој број“. Дикх ки содржина коте со шај те аракхе о наслов хем о број тари секоја статија проучибаске. Бирин о наслов тари јавер статија со мангеа те читине ла.
Ки почетно страна тари апликација JW Library ко дело „Најново“ перав секова нево број тари Стражарско кула кеда ка појавинел пе. Пхрав о списанија со перавѓан лен хем роде ки содржина те шај те овел тут корист тари секоја статија.