О мануша нашавена пли доверба ко политичарија — Со вакерела и Библија?

Ко 2024 берш, ко цело свето ка овел најбаро број политичка изборија со некогаш сине ко јекх берш. Сепак, бут мануша нане лен више доверба ко политичарија.

• Бут американција кола со сине пучле вакерѓе кај „повише политичарија водиме тане таро себична причине“, него таро адава те служинен е народоскеa (Pew Research Center, 19 септември 2023).

Исто аѓаар, бут терне нане лен доверба ко политичарија.

• „Е тинејџеренге бут пути тано важно те анел пе решение башо несаве проблемија, ама кеда пучле лен, ола вакерѓе кај о политичарија на решинена асавке проблемија“ (The New York Times, 29 јануари 2024).

• „Спрема јекх анкета, о терне повише иси лен доверба ко јутуберија него ко политичарија“ (The Korea Times, 22 јануари 2024).

Шај ли те овел амен доверба кај о политичарија ка анен пошукар иднина? Ки касте шај те овел амен доверба?

Пазин касте иси тут доверба

О мануша ваљани те пазинен ки касте иси лен доверба. И Библија вакерела кај „о наивно мануш верујнела ко секова лафи, а о паметно пазинела ко секова пло чекори“ (Изреки 14:15).

• Те шај те аракхе корисна предлогија башо адава сар те џане кола информацие тане точна, а кола на, читин и статија „Заштити се од дезинформации“.

Освен адава, чак о политичарија сој тане најчесна хем со иси лен шукар намере нашти те керен са со би мангена. Адалеске и Библија предупрединела амен:

• „Ма те овел тумен доверба ко моќна мануша или ко било саво јавер мануш, кова со нашти те спасинел тумен!“ (Псалм 146:3).

Владетели ки касте шај те овел тут доверба

И Библија вакерела кај о Девел чхивѓа водачи кова тано способно ко са хем касте шај те овел амен доверба: о Исус Христос (Лука 1:32, 33). О Исус тано Цари ко е Девлескоро Царство, влада која со владинела таро небо (Матеј 6:10).

• Дознајн соске шај те овел тут доверба ко Исус хем сар ов ка решинел о проблемија со иси амен. Читин о статие „Кој тано о Цари ко е Девлескоро Царство?“ хем „Со ка керел е Девлескоро Царство?“