Социјална мреже — дали тане штетна тле чхавеске? Сар шај и Библија те поможинел е родителенге

„И криза е емоционално састипаја со иси машкар о терне тани ки бут лошно состојба, а о социјална мреже тани јекх таро главна причине башо адава“ (д-р Вивек Мурти, шефи ко јавно здравство ки Америка, New York Times, 17 јуни 2024).

Сар шај о родителија те заштитинен пумаре чхавен таро опасностија со анена о социјална мреже? И Библија дела практична советија.

Со шај о родителија те керен

Размислин башо акала библиска начелија.

„О паметно пазинела ко секова пло чекори“ (Изреки 14:15).

Адалеске со џанеа кај о социјална мреже шај лошно те влијајнен упро тло чхаво, ма пер ко притисок те дозволине тле чхавеске те користинел социјална мреже. Англедер те мукхе ле те користинел социјална мреже, ов сигурно кај тло чхаво тано доволно зрело те на накхавел повише време ки ленде таро адава сој леске дозволимо, те на нашавел пле амален хем те на дикхел нешто сој непристојно.

• Те шај те дознајне повише, читин о статие „Да ли моје дете треба да користи друштвене мреже?“ хем „Помозите тинејџеру да паметно користи друштвене мреже“.

„Шукар користинен тумаро време“ (Ефешања 5:16).

Ако мукхеа тле чхаве те користинел социјална мреже, чхив леске правилија башо адава сар те користинел лен хем објаснин леске сар адала правилија ка заштитинен ле. Приметин дали појавер понашинела пе, со шај сикавела кај ваљани те ограничине о време кобор ка накхавел ко социјална мреже.

• Користин и поучно анимација Паметно користин о социјална мреже те шај те поможине тле чхавеске те хаљовел соске мора те чхиве леске ограничувања.

Дознајн повише

И Библија вакерела кај живинаја ко „бут пхаро време“ (2. Тимотеј 3:1-5). Ама ој дела амен практична советија кола со шај те поможинен аменге те икљова ко крајо ленцар. Ки акаја статија башо емоционално састипе ко тинејџерија шај те аракхе списако коте со иси повише таро 20 статие, кола со темелинена пе ки Библија, а тане е родителенге хем ленгере чхавенге.