Фуснота

a Адалеске со о Јехова створинѓа са, ов заслужинела те обожавина ле. О Јехова прифатинела адава со кераја кеда обожавинаја ле само ако шунаја лескере заповедија хем живинаја спрема лескере начелија. Ки акаја статија ка кера лафи башо офто буќа кола со кераја лен те шај те обожавина ле. Ка дикха сар шај пошукар те кера о буќа коленцар со обожавинаја ле, хем сар шај ола те поможинен амен те ова побахтале.